Қазақстан Білім және ғылым министрлігінің басшысы Асхат Аймағамбетов алдағы жылдары елімізде ғылым қалай қаржыландырылатынын айтты. Бұл туралы ҚР Білім және ғылым министрлігінің баспасөз қызметі хабарлайды.
Білім министрлігі басшысының айтуынша, алдағы үш жылда Қазақстанда ғылымды қаржыландыру көлемі екі есеге дейін артады. Ол осының арқасында Қазақстанда жас ғалымдардың жобаларын гранттық қаржыландыруға арналған конкурстар жыл сайын өткізілетінін атап өтті.
Аймағамбетов мәлім еткен тағы бір маңызды оқиға – республикамызда ұзақ жылдар ішінде алғаш рет отандық ғылыми-зерттеу институттарының инфрақұрылымын жаңартуға қаражат бөлінгені.
Сонымен қатар, министр 2019 жыл қазақстандық білім беруді дамыту тұрғысынан өте маңызды болды, оған дәлел “Педагог мәртебесі туралы” заңның қабылдануын ғана емес, сонымен қатар 2025 жылға дейінгі білім мен ғылымды дамытудың жаңа мемлекеттік бағдарламасын қабылдануы.
Осыған байланысты Білім министрлігінің басшысы Парламент депутаттарына, Қазақстан Президенті Әкімшілігі мен премьер-министр Кеңсесінің өкілдеріне білім беру саласы үшін маңызды стратегиялық құжаттарды қабылдауға қолдау көрсеткені үшін алғысын білдірді.
Сурет: zakon.kz
