Қазақстанның ауылдары мен кенттерінде модульдік мектептердің құрылысы жоспарлануда. Бұл туралы ҚР Білім және ғылым министрлігінің басшысы Асхат Аймағамбетов мәлім етті.
«Ауылда мектеп салу кезінде біз модульдік жобаларға сүйенеміз. Мынадай мысалдар аз емес.Біз жаңа үлкен мектептер саламыз, бес-жеті жылдан кейін ол елді мекендер жабылып, мектептер бос қалады. Сондықтан, біз қазір арнайы жобаларды дайындаудамыз — ауылдарда біз модульдік мектептер салатын боламыз, оларды қажет болған жағдайда бөлшектеуге, ауыстыруға және мақсатына қарай пайдалануға болады», — деді Аймағамбетов.
Оның айтуынша, ауылдық оқу мекемелерінде кадрлар тапшылығы мәселесін шешу қажет. Сонымен қатар, Аймағамбетов шағын жинақты мектептерді қаржыландыру мәселесін қозғады.
«Мысалы, бізде бір мұғалім 5-6 пәннен сабақ бере алады. Қазақ тілі мұғалімі физика, химия, биология және тарих пәндерінен сабан береді. Сапасы қандай болады? Сондықтан, шағын жинақты мектептерді қаржыландыру жүйесін қайта қарауға ниеттіміз. Екіншіден, ауылдық жерлерде кадрлар тапшылығын қысқарту үшін біз «мобильді мұғалім» пилоттық жобасын енгіземіз», — деп толықтырды министр.
Естеріңізге сала кетейік, кеше Қазақстан президенті Қасым-Жомарт Тоқаев тамыз конференциясында білім беру теңсіздігі мәселелерін шешу қажеттігін айтқан болатын. Тоқаев біздің елімізде білім беру қалалық балалар үшін де, ауыл үшін де бірдей болуы тиіс деп санайды.
