ҚР АШМ егіншілік департаменті директорының орынбасары Ақпар Мәуленов жаңа жылдық мерекелердің алдында қияр бағасының өсу себептері туралы айтты.
«Мен де, сіз сияқты, сатып алушымын, мен де дүкенге барамын. Қазір қияр бағасы көтерілді. Жыл сайын 540 мың тонна өндіріледі. Оның 460 тоннасы ашық топырақта. Қажеттілік 490 мың тонна, біз өзіміздің қажеттілігімізді жабамыз. Сонымен қатар, 6 тонна экспортқа шығарамыз. Бірақ бағасы маусымаралық көтерілуде. Қараша айынан көктемге дейін, жылыжай маусымы басталғанда баға көтеріледі», — деп түсіндірді Мәуленов.
Шенеунік атап өткендей, Қазақстанда 1150 жылыжайлар бар, бұл көкөністің негізгі көлемі Түркістан облысында өсіріледі. Жаңа жыл алдында аталған көкөніске деген сұраныс артып, бағаның өсуіне алып келеді.
Алайда ҚР АШМ нарықтарды дамыту департаменті директорының орынбасары Шаймерден Ахметовтың Қазақстандағы көкөніс бағасы неге күрт өсті деген сұраққа өз жауабы бар.
«Тауарлар бағасының өсуіне қызмет көрсету бағасының өсуі әсер етеді. Тіпті жылыжайларда да қиярдың килограммы 950 теңге тұр. Оңтүстікте қияр 600 тенге, ал мұнда 1200 — ден астам. Әсіресе, бағаның өсуі осындай қатты суықта байқалады. Ешкім де тасымайды, өйткені Камаздарда олар қатып қалады. Өндіріс көтерілгенде, өзіндік құны да төмендейді», — деді ол.
Алайда шенеуніктер көкөніс бағасының өсуі туралы түсіндірулерінде ең басты себептерді қозғамады. Бұл себеп – мереке алдында көкөністерге деген сұранысты пайдаланып, олардың бағасын жасанды түрде арттырған қайта сатып алушылар.
Сарапшылар көкөністердің бағасы, азық-түліктің кейбір түрлері бойынша алыпсатарлық үстеменің үлесі 50% ға дейін жетеді деп санайды. Сондықтан да қиярдың бағасы жылыжайда 550 теңгеден, Қазақстанның Елордасындағы сөрелерде 1200 теңгеге дейін өседі.
Сулет: zakon.kz
