Бұдан бұрын 15 ақпанға жоспарланған Конгресс-холлда «Астана» залында Азаматтарды қабылдау тоқтатылды.
Енді оның орнына, бір апта ішінде халық, соның ішінде көп балалы отбасылар, жалғыз басты аналар және қалайтын кез келген адам әкімдіктерде жарияланған Ашық есік апталығы шеңберінде өз елді мекендерін басқаруға көмек көрсету туралы сұрақпен немесе өтінішімен жүгіне алады.
Ол ақпан айының 13-нен 22-не дейін жалғасады. Бұл туралы Қазақпарат агенттігі елорда әкімдігінің ресми ресурсына сілтеме жасай отырып хабарлайды.
Азаматтарды қабылдау қаланың барлық аудандарында – Есіл, Алматы, Сарыарқа және Байқоңыр аудандарында жүргізіледі. Іс-шараға әр түрлі мемлекеттік қызметкерлер қатысады: жұмыспен қамту және әлеуметтік бағдарламалар басқармасының қызметкерлері, қоғамдық және медицина саласының өкілдері және т. б.
6 ақпанда көп балалы отбасыларынан келіп түскен барлық өтініштер әкімдік қызметкерлерімен өңделіп, Қазақстан Үкіметі жанынан құрылған азаматтардың табысын арттыру және өмір сүру сапасын жақсарту жөніндегі шараларды күшейту жөніндегі жұмыс тобына одан әрі өңдеуге және талдауға бағытталған.
Тұрғындар көп балалы және аз қамтамасыз етілген отбасыларынан түскен барлық шағымдар мен өтініштер бойынша екі ай ішінде орындау жөнінде шешім қабылданады деп күтуде.
Естеріңізге сала кетейік, көп балалы және аз қамтылған азаматтарды қабылдау 7 ақпанда Астана әкімі Бақыт Сұлтановтың тапсырмасы бойынша басталды.
Облыс әкімдігіне келіп түскен өтініштер мен шағымдарды тиімді және тез шешу үшін 15 ақпанға белгіленген азаматтық қабылдау жойылды, ал 13 ақпаннан бастап аудандық әкімдіктерде Ашық есік апталығы жарияланды.
Сурет: tengrinews.kz
