Бүгін еліміздің Қарулы Күштерінің десанттық-шабуылдау әскерлері құрылғанына 20 жыл толуын атап өтуде. Бұл туралы Қазақстан Қорғаныс министрлігінің баспасөз қызметі хабарлады.
Осыған байланысты еліміздің қорғаныс ведомствосының басшысы Нұрлан Ермекбаев десанттық-шабуылдау әскерінің офицерлері, сержанттары мен сарбаздарын кәсіби мерекесімен құттықтады.
Қорғаныс министрі десантшылар Ұлттық қорғаныс жүйесінің маңызды бөлігі екенін мәлімдеді. Ол дағдарыс жағдайларын жедел шешуге әрдайым дайын екенін баса атап өтті.
“Мемлекеттің ұлттық мүдделерін қорғауда басты міндетті орындай отырып, десанттық-шабуылдаушы әскери қызметшілер өздерінің қажырлы еңбегімен әскери антқа адалдығын дәлелдеді және Отанымыздың сенімді қалқаны болып табылады”, – деді Нұрлан Ермекбаев.
Бүгінгі күні десанттық-шабуылдау әскерлерінің қарамағында Алматы, Қапшағай, Талдықорған, Сарыөзек және Жаркент гарнизондарының құрамалары мен әскери бөлімдері бар. Олардың қазіргі қолбасшысы генерал-майор Қаныш Әбубәкіров.
Қазақстан полигондарындағы оқу іс-шараларынан басқа, біздің десанттар Ұжымдық қауіпсіздік туралы шарт ұйымы шеңберінде өткізілетін халықаралық оқу-жаттығуларға жыл сайын қатысады.
