Қазақстанның Денсаулық сақтау министрі Алексей Цой коронавирусқа шалдыққандардың QR-кодтары бар Ashyq мобильді қосымшасы Алматы, Нұр-Сұлтан және Қарағанды қалаларында іске қосылғанын мәлімдеді. Бұл туралы “NewTimes.kz” ақпараттық басылым хабарлайды.
Министр қосымшаны Қазақстандық IT-компания жасағанын атап өтті.
“Бүгінгі күні пилоттық режимде қосымша Алматы, Нұр-Сұлтан және Қарағанды қалаларында, қызметі рұқсат етілген, бірақ эпидемиологиялық қауіп аймағына байланысты шектелген объектілерде іске қосылды. Бұл фитнес-орталықтар, спа-орталықтар, бассейндер, моншалар, кинотеатрлар. Бүгінгі таңда 40 нысан Ashyq пилотының ерікті қатысушылары болып табылады”, – деп атап өтті ол.
Цой қосымшаны пайдалану үшін оны смартфонға жүктеу, телефон нөмірі бойынша авторизациялау және мекемеге кірген кезде көрсету үшін баратын жердің QR кодын сканерлеу қажет екенін қоса айтты.
“Түстерге бөлу әлеуметтік желілерде талқыланнып жатқандай, адамдардың өмірін “бақылауға” және “қадағалауға” арналмаған. Бұл – қолданыстағы заңнамаға сәйкес карантинде болуға міндетті адамның науқас немесе науқаспен жақын қарым-қатыната болуының көрсеткіші”, – деп атап өтті ведомство басшысы.
Сонымен қатар, ол Ashyq қосымшасы ерікті түрде қолданылатынын, оны енгізудің мақсаты қауіпсіз орта құру және келушілерді коронавирустық инфекциядан қорғау екенін айтты. Сонымен қатар, қосымша карантин кезінде бизнестің жұмысын тоқтатпауға мүмкіндік береді.
Сурет: appadvice.com
