Бүгін, 29 мамыр, Ресей президенті Владимир Путин Жоғары Еуразиялық экономикалық одақтың отырысына қатысты. Бұл туралы “Қазақпарат” ақпарат агенттігі хабарлайды.
“Біз Нұрсұлтан Әбішұлы Назарбаевқа Еуразиялық экономикалық одақтың жоғары экономикалық кеңесінің құрметті төрағасы атағын беру туралы бастама көтердік. Барлық әріптестеріміздің қолдағанына өте қуаныштымын. Бұның мағынасы бар. Мағынасы үлкен”, – деді Ресей президенті.
Отырыста Владимир Путин Нұрсұлтан Назарбаевқа Еуразиялық экономикалық одақ жұмысындағы үлкен жетістіктері үшін алғысын білдірді.
“Нұрсұлтан Әбішұлы осы идеяның авторы болып табылғандықтан ғана емес, осы жоспарды іске асырушы, өйткені ол осы жоспармен шын мәнінде әуестеніп, қазір де жұмыс істеп жатыр және біздің одақты қалыптастыру мен нығайту үшін көп пайдалы нәрсе жасай алады. Нұрсұлтан Әбішұлы біздің ұсынысымызға келіскенімізге рахмет”, – деді Владимир Путин.
Сондай-ақ, Ресей президенті Еуразиялық комиссияның ұсыныстарының бірімен бөлісті.
“Айта кетерлігі, Еуразиялық комиссия зейнетақыны есептеу кезінде барлық одақ-мемлекеттердің аумағындағы еңбек қызметінің барлық кезеңіндегі еңбек өтілін ескеруге мүмкіндік беретін келісім әзірлеуде. Менің ойымша, өмір бойы жұмыс істеген азаматқа, адамға ол өте маңызды. Біз үшін және ол адам үшін нақты қайда жұмыс істеген маңызды емес. Ең бастысы, еңбек өтілін растайтын тиісті құжаттардың болуы. Бұл құжаттың күшіне енуі біздің мемлекеттер азаматтарының құқықтары мен мүдделерін толық көлемде қамтамасыз етуге мүмкіндік береді”, – деді Владимир Путин.
Сурет: ria.ru
