Ресей Федерациясының басшысы Владимир Путин Ұжымдық қауіпсіздік шарты ұйымына мүше елдердің барлық басшыларын Мәскеуге Жеңіс Күнін мерекелеуге шақырды. Бұл туралы Ресей дипломатиялық ведомствосының баспасөз қызметі хабарлады.
Биыл посткеңестік елдер Ұлы Отан соғысы Жеңісінің 75 жылдық мерейтойын тойлайды. Ресей СІМ-і атап өткендей, ҰҚШҰ-ға қатысушы елдер көшбасшыларының Мәскеуде өтетін іс-шараға қатысуы мемлекеттер арасындағы ынтымақтастықтың маңызды оқиғаларының бірі болады.
Сондай-ақ, Ресей астанасындағы Қызыл алаңда өтетін Жеңіс шеруіне ҰҚШҰ-ға қатысушы елдердің әскери қызметшілері қатысады. Бұл уағдаластыққа ұйымның қорғаныс ведомстволарының өкілдері қол жеткізді.
Ресей сыртқы саяси ведомствосының ақпараты бойынша, ҰҚШҰ-ға төрағалық ету кезеңінде Ресей ұйымның дағдарысқа әрекет ету жүйесін, бірінші кезекте, ҰҚШҰ дағдарыстық әрекет ету орталығының жұмысын жандандыру арқылы дамытуға ниетті.
Бүгінгі таңда Ұжымдық қауіпсіздік шарты ұйымына қатысушы елдер Қазақстан, Ресей, Армения, Беларусь, Қырғызстан, Тәжікстан және Өзбекстан.
