Қазақстан президенті Қасым-Жомарт Тоқаев Ресей Федерациясының басшысы Владимир Путинмен телефон арқылы сөйлесті, оның барысында коронавирусқа қатысты жағдай талқыланды. Бұл туралы Ақорданың баспасөз қызметі хабарлады.
Телефон арқылы сөйлесу барысында президент Тоқаев Ресей тарапына Қазақстанға коронавирусты диагностикалау бойынша 4 мың тест-жүйе жиынтығын ұсынғаны үшін алғысын білдірді.
Владимир Путин өз кезегінде Ресей біздің республикамызға гуманитарлық көмек ретінде коронавирустық инфекцияны диагностикалау бойынша тағы да тест-жүйені жіберуге ниетті екенін мәлімдеді.
Әңгіме барысында екі ел президенттері Ресей Федерациясында транзиттік жолаушылар ретінде жүрген қазақстандықтарды отанына қайтару мәселесіне көңіл аударды.
Владимир Путиннің айтуынша, Ресей үкіметі бұл мәселені шешуге көмектесіп, Қазақстан азаматтарына үйлеріне оралуға көмектеседі.
Сонымен қатар, Ресей басшысы Еуразиялық экономикалық одақ аясында екі бауырлас ел арасындағы сауда-экономикалық ынтымақтастықты дамытудың маңыздылығын атап өтті.
Кездесу соңында Қасым-Жомарт Тоқаев Владимир Путинді конституциялық реформаны табысты жүзеге асыруымен құттықтады.
Сурет: zakon.kz
