Қазақстанның Тұңғыш Президенті Нұрсұлтан Назарбаев Кремльде Ресей Федерациясының басшысы Владимир Путинмен кездесті, деп хабарлайды Елбасының баспасөз қызметі.
Кездесу басында Нұрсұлтан Назарбаев Қазақстан мен Ресей қарым-қатынасы үлгілі екенін мәлімдеді.
«Олар көптеген елдер үшін үлгі. Мен өзара әрекеттестіктің осындай деңгейіне қол жеткізу үшін барлық мүмкіндіктерді жасадым Сондай-ақ біз Еуразиялық экономикалық одақ құрдық, ол табысты дамып, барлық мүше елдерге пайда әкелуде», — деді Елбасы.
Сонымен қатар, Назарбаев Путинді Ресей астанасы күнімен құттықтап, бауырлас елге табыс және гүлдену тіледі.
«Мәскеу қаласының күні мерекесіне шақырғаныңыз үшін рахмет. Мәскеу бізге өте ыстық.Жастайымыздан біз осында келдік, осында оқыдық,жұмыс істедік. ХШЖК халықтарымыздың достығын нығайтуға өз үлесін қосқанын атап өткен жөн. Сондай-ақ, келесі жылы өтетін Жеңіс шеруіне шақырғаныңыз үшін Сізге алғысымды білдіргім келеді. Жеңістің 75 жылдығын мерекелеу қарсаңында, адамдардың ұйымшылдығының арқасында жеңіске қол жеткізгенін атап өткім келеді», — деді Назарбаев.
Өз кезегінде Владимир Путин біздің еліміздің Тұңғыш Президенті Қазақстан мен Ресей арасындағы ынтымақтастыққа зор үлес қосқанын атап өтті.
«Құрметті Нұрсұлтан Әбішұлы, мереке күні бізге келгеніңіз үшін рахмет. Сіз гуманитарлық, әскери салада одақтастықтың бұрын-соңды болмаған жоғары деңгейіне қол жеткізген ресейлік-қазақстандық қатынастардың құрылысшысы болып табыласыз. ӘБТ-да біз әсерлі нәтижелерге қол жеткізбеген қызмет саласы жоқ.Біз Сізді әрдайым көруге қуаныштымыз және біздің жеке қарым-қатынасымыздың одан әрі жалғасып жатқаны қуантады», — деді Путин.
