Ресей президенті Владимир Путин «Валдай» халықаралық пікірталас клубының пленарлық отырысында ЕАЭО басқа мемлекеттермен ынтымақтастыққа дайын екенін атап өтті.
«Азия өз орнын қайтарады. Азия елдерінің ұстанымдарын нығайту барлық салаларда, әсіресе экономикада байқалады. Өңірде әлемдік ЖІӨ үштен бірінен астамы қалыптасып отыр. Бүгінде Азиясыз жаһандық мәселелерді шешу мүмкін емес. Көп жағдайда азиялық мемлекеттердің арқасында әлем объективті түрде көпполярлы және соның салдарынан неғұрлым күрделі болды», — деді Путин.
Ол Азия өңірінің елдері әлемдік аренада аса маңызды рөл атқаруға ниетті екенін атап өтті.
«Жаһандану, технологиялық революция пайдасын тиімді және ақылды пайдалана отырып, экономикалық көшбасшылар қатарына кіре отырып, Азия мемлекеттері әлемдік саясатта маңызды рөл атқаруға ұмтылады. Бұл мүлдем табиғи процесс», — деді Путин.
Ресей Президенті форумға қатысушыларды ЕАЭО көлік дәлізін қалыптастыруды жеделдету бойынша стратегияны әзірлеуге шақырды.
«Бірлескен ортақ прогресс қағидаттарын басшылыққа ала отырып, біз серіктестермен бірге Еуразиялық экономикалық одақ құрудамыз. Бұл интеграциялық бірлестік тең құқықтылыққа, прагматизмге және бір-бірінің мүдделерін есепке алуға негізделген. Сонымен қатар, біздің одақ жабық нарық емес», — деді ол.
Сурет: inform.kz
