Шымкенттің Еңбекші ауданының қадағалау органы қаланың аудандық сотына қудаланған олигарх Тоқтар Төлешовке, тергеу жүріп жатқанда ұрланған, мүлкін қайтару туралы талап арыз берді, деп хабарлайды caravan.kz ақпарат ресурсы.
Экстремистік топ құрғаны, билікті басып алуға шақырғаны және мемлекеттік төңкеріс жасағаны үшін сотталған Төлешов қазір түрмеде отыр. Бұл әрекеттері үшін ол 21 жылға бас бостандығынан айырылды.
Шымкент прокурорлары өз шағымында соттан жалпы жиналыстың хаттамасын және «сыра империясының» тірегі – сотталған кәсіпкердің «Дархан Group» ЖШС-да жасалған мәмілелерді заңсыз деп тануды талап етеді.
Қадағалау органының қызметкерлері қайтаруды талап ететін мүліктің арасында Шымкенттегі «Арман» балабақшасы және Сарыағаш өндірістік учаскесі бар.
Еңбекші аудандық прокуратурасы талап арыз мемлекет мүддесі үшін берілгенін мәлімдеді. Яғни, прокурорлар мүлікті қуғынға ұшыраған олигархқа қайтарып, содан кейін оны еліміздің пайдасына тәркілеуге ниетті.
Сурет: tengrinews.kz
