Республика прокурорлары «Хоргос ісі» бойынша Қазақстаннан заңсыз шығарылған 140 миллион теңге қайтарды.
Естеріңізге сала кетейік, ағымдағы жылдың қаңтар айында Швейцарияның федералды қылмыстық соты Қазақстан Республикасы Бас прокуратурасының өтінішін қанағаттандырып, заңсыз олжаланған және кейіннен «Хоргос ісі» бойынша қылмыстық топтың мүшелері мемлекеттен тыс жерлерге шығарған 140 миллион теңгені қайтару туралы шешім қабылдады.
Бұл қаражат 2012 жылдан бері халықаралық іздеуде жүрген және экономикалық қылмысқа қатысы бар деп саналатын, ұйымдасқан қылмыстық топ мүшелерінің бірі Мағзұм Әбдірәлиевке тиесілі.
25 сәуірде ақша Қазақстан Республикасы Ұлттық банкінің шотына қайта түсті және жақын арада мемлекет кірісіне жіберіледі.
Қазақстанның Бас прокуратурасында өткен жылдың сәуір айында прокуратураның қолдаухатымен осы іс бойынша 762 мың доллар және 915 мың теңге Әбдралиевтің қылмыстық кірісі тәркіленгенін хабарлады.
Бұл жағдайда мемлекеттік бюджетке аударылған қаражаттың жалпы сомасы 420 млн. теңгеден асты.
Еске салайық, 2014 жылдың сәуірінде ұйымдасқан қылмыстық топ құру және Алматы облысының кеден маңы аумағында контрабандалық жолмен тасымалдау үшін сотталған бұрынғы құқық қорғау органдары қызметкерлері мен басқа адамдарға үкім шығарылды.
Сурет: Vlast.kz
