Шымкент қалалық прокуратурасы мемлекеттік кіріс басқармасымен бірлесіп жүргізілген тексеру нәтижесінде, 2019 жылдың басынан бері қала кәсіпорындарының қызметкерлеріне жалпы сомасы 117 миллион теңге жалақы төленді, деп хабарлайды прокуратураның баспасөз қызметі.
Прокуратура алты ұйымның 816 қызметкеріне жалақы бойынша берешекті өтеуді қамтамасыз етті.
Прокуратурадан хабарлағандай, «Шымкентхиммонтаж» жауапкершілігі шектеулі серіктестігінің 365 қызметкеріне жалпы сомасы 66 миллион теңге төленді.
Сондай-ақ, прокуратура «Саудаинвест» жауапкершілігі шектеулі серіктестігінің басшысына қатысты ақшалай қаражатты басқа мақсаттарға пайдалану себебінен, белгіленген мерзімде жалақыны толық көлемде төлеуді бірнеше рет кешіктіргені үшін, сотқа дейінгі тергеуге бастама жасады (Қазақстан Республикасы Қылмыстық кодексінің 152-бабының 3-бөлігі). Іс Әл-Фараби аудандық полиция департаментінің өндірісінде.
Банкроттық туралы іс жүргізуді зерделеу нәтижесінде прокурорлар «Нарде»жауапкершілігі шектеулі серіктестігінің мүлкін анықтады. Осыдан кейін ол фирманың сауда-саттығында сатылды, соның есебінен 37 қызметкердің 4 миллион 600 мың теңге көлемінде еңбекақы бойынша берешегі өтелді
Сурет: zakon.kz
