Қадағалау органында “Қазақстан Республикасында бейбіт жиналыстар, митингілер, шерулер, ереуілер және наразылық білдірулер ұйымдастыру мен өткізу тәртібі туралы” Заңның 4-бабы шеңберінде Алматы қаласының жергілікті атқарушы органы 2019 жылғы 30 маусымда бұрын белгіленген орындарда бейбіт митингілер өткізуге рұқсат бергенін атап өтті.
Алматы прокуратурасы митинг өткізу кезінде заңды сақтауға шақырады, деп хабарлайды BNews.kz ведомствоның баспасөз қызметіне сілтеме жасай отырып.
“Прокуратура туралы” Заңның 32-бабына сәйкес құқық бұзушылықтардың алдын алу, қоғамдық қауіпсіздікті қамтамасыз ету және азаматтардың құқықтарын қорғау мақсатында қадағалау органы мыналарды түсіндіреді:
Конституцияның 34-бабына сәйкес әркім Қазақстан Республикасының Негізгі Заңы мен заңдарын сақтауға, басқа адамдардың құқықтарын,бостандықтарын, ар-намысы мен қадір-қасиетін құрметтеуге міндетті.
Заңның 5-бабының талаптарына орай ұйымдастырушы осы митингті өткізуді және өтініште көрсетілген мақсаттарға сәйкес қатысушылардың белгіленген уақытта және белгілі бір жерде сөз сөйлеуін қамтамасыз етуге тиіс.
Бұл ретте ұйымдастырушылар мен қатысушылар қоғамдық тәртіпті сақтауға міндетті, оларға тыйым салынады:
– Көлік және жаяу жүргіншілердің қозғалысына кедергі жасау;
– инфрақұрылым объектілерінің үздіксіз жұмыс істеуі үшін кедергі жасау;
– жергілікті атқарушы органдардың келісімінсіз киіз үйлер, шатырлар, өзге де уақытша құрылыстар орнатуға;;
– жасыл желектерге, шағын сәулет нысандарына зиян келтіру;
– өздерімен бірге суық, атыс қаруы және өзге де қару, сондай-ақ азаматтардың өмірі мен денсаулығына және заңды тұлғалардың меншігіне материалдық залал келтіру үшін пайдаланылуы мүмкін арнайы дайындалған немесе бейімделген заттар алып жүру;
– іс-шараларды өткізу кезінде қоғамдық тәртіпті қамтамасыз ететін мемлекеттік органдар өкілдерінің қызметіне кез келген түрде араласуға.
Заңның 7-бабы бойынша темір жол, су және әуе көлігі объектілерінде, қорғаныс қабілетін қамтамасыз ететін ұйымдарда, мемлекеттің қауіпсіздігін және халықтың тыныс-тіршілігін қамтамасыз ететін ұйымдарда (қалалық қоғамдық көлік, сумен, электр энергиясымен, жылумен және басқа да энергия тасымалдаушылармен жабдықтау) және денсаулық сақтау және білім беру мекемелерінде бұқаралық іс-шаралар өткізуге жол берілмейді.
Заңның 8-бабында бекітілген Жергілікті атқарушы орган өкілінің талабы бойынша, егер: өтініш берілмесе, тыйым салу туралы шешім жасалса, оларды өткізу тәртібі бұзылса, сондай-ақ азаматтардың өмірі мен денсаулығына қауіп төнген, қоғамдық тәртіпті бұзған жағдайда, митингілер тоқтатылуы тиіс.
Осы заңды талаптарды орындаудан бас тартқан жағдайда, оның нұсқауы бойынша ішкі істер органдары оларды тоқтату жөнінде шаралар қабылдайды.
Заңның келтірілген нормаларын бұзғаны үшін заңнамаға сәйкес жауапкершілік көзделген (әкімшілік құқық бұзушылық туралы кодекстің 488-бабы немесе елеулі залал келтірген кезде Қылмыстық кодекстің 400-бабы бойынша).
Баяндалғанның негізінде, Алматы қаласының прокуратурасы тұрғындарды Конституция мен Заңның келтірілген нормаларын мүлтіксіз сақтауға, ықтимал арандатушылық үндеулерге ермеуге және аталған бейбіт митингтерге қатысқан кезде құқық бұзушылық жасамауға шақырады.
