Қазақстан президенттігіне үміткер болу үшін 118000-нан астам қол жинау қажет. Бұл туралы Орталық сайлау комиссиясының отырысында мәлімделді, деп хабарлайды Tengrinews.kz.
ОСК төрағасының орынбасары Константин Петров атап өткендей, кандидатты ұсыну, Нұр-Сұлтан қаласы және облыстардың, республикалық маңызы бар қалалардың кемінде 2/3-ін, тең дәрежеде өкілдік ететін сайлаушылардың кемінде 1% қолдарымен расталуы тиіс.
1 қаңтардағы жағдай бойынша Орталық сайлау комиссиясы сайлаушылардың тізіліміне дауыс беруге құқығы бар 11 миллион 814 мың 19 азаматты енгізді. Осылайша, кандидат болуға ниет білдірген әрбір адам 118149 сайлаушылардың қолдарын жинауы тиіс.
Қол қою парақтары кандидаттың Конституция мен Конституциялық заңның талаптарына сәйкестігі расталғаннан кейін 5 күн ішінде беріледі.
Қол жинауды кандидаттардың сенім білдірген адамдары ұйымдастырады, оларды тіркеуді және паспорт қызметі қызметкерлерінің қатысуымен қолдардың түпнұсқалығын тексеруді аумақтық сайлау комиссиялары жүзеге асырады.
Кандидаттар үшін үгіт, тіркеу кезеңі аяқталғаннан кейін, ресми түрде басталады және дауыс беру күні – тыныштық күні алдындағы тәуліктің 0 сағатына дейін, яғни 8 маусым 0 сағатқа дейін жалғасады.
9 сәуірде Қазақстан Республикасының Президенті Қасым-Жомарт Тоқаев телевизия арналары эфирінде 9 маусымда өтетін президент сайлауын тағайындау туралы жариялады.
Сурет: DailyNews.kz
