Қазақстан президенті Қасым-Жомарт Тоқаевтың Арыс қаласындағы әскери бөлім қоймасындағы оқ-дәрілердің жарылуының салдарын жою жөніндегі тапсырмасы толық көлемде орындалуда. Бұл туралы “Қазақпарат”ақпарат агенттігі хабарлайды.
Арыс қаласында төтенше жағдайға байланысты арнайы штаб құрылды. Штаб құрамына Шымкент қаласы ТЖ, полиция департаменті, Шымкент қаласы әкімдігі, “ҚТЖ” АҚ өкілдері кірді. Штабта жедел желі ашылды, қазіргі уақытта 700-ге жуық қоңырау келіп түсті.
Сонымен қатар, Қазақстан Президентінің тапсырмасы бойынша Шымкентте 15 эвакуациялық пункт ашылды. Арыс қаласына 36 автобус жөнелтілді, олар халықты қаладан эвакуациялайтын болады.
Сурет: Inform.kz
