Қазақстанның туристік өміріндегі Алакөлдің маңыздылығын Қазақстан Республикасының Президенті атап өтті, деп хабарлайды kapital.kz.
Алматы облысының әкімдігі Қазақстан үкіметімен бірлесіп Қазақстан президенті Қасым-Жомарт Тоқаевтың Алакөл курорттық аймағының инфрақұрылымын жақсарту бойынша кешенді шараларды пысықтап, қабылдау туралы нұсқауын алды.
“Жетісу туристік индустриясын дамыту – маңызды мәселе. Аймақ бүкіл елге танымал туризм орталығына айналуда. Басты магнит – емдік қасиеттерімен танымал Алакөл көлі. Өткен жылы туристердің ағыны 20 пайызға өсіп, 2 млн адамды құрады. Алайда, сервис деңгейі, ілеспе көліктік және қонақ үй инфрақұрылымы әлі де жақсартуды талап етеді”, – деді Қасым-Жомарт Тоқаев.
Алакөл туристік аймағының тартымдылығы – терең тарихи тамыры мен Жібек жолындағы географиялық орналасуы, ал бұл факт өңірді одан әрі дамытудың негізі болып табылады
“Алматы облысы өзінің мәні бойынша стратегиялық өңір болып табылады. Өңірдің маңызды көлік торабы мен елдің логистикалық орталығы ретінде өсу әлеуеті зор. “Батыс Еуропа – Батыс Қытай” автомобиль магистралінің құрылысы аяқталған соң, облыс Азиядан Еуропаға көлік ағындарын қосатын қақпаға айналды. Сонымен қатар, жергілікті жол желісінің сапасын арттыру өзекті міндет болып отыр. Облыс жолдарының 22 пайызы қанағаттанарлықсыз жағдайда. Әкімге осы проблемамен жүйелі түрде айналысуды және 2025 жылға дейін апатты автожолдарды кезеңмен қайта жаңарту жоспарын әзірлеуді тапсырамын”, – деді мемлекет басшысы.
