Қазақстан Республикасының Президенті Қасым-Жомарт Тоқаев Жамбыл облысының Қордай ауданында орын алған жаппай тәртіпсіздіктер туралы өз пікірін айтты. Бұл туралы “Қазақпарат” ақпарат агенттігі хабарлады.
Қазақстан Президенті Қордай ауданындағы қақтығыстың қайталануына жол бермеу үшін біздің мемлекетіміз қандай шаралар қабылдауға ниетті екенін айтты.
Қасым-Жомарт Тоқаевтың айтуынша, қазір ұлтаралық және этносаралық қатынастарға қатысты мәселелерді қайта қарау қажет.
Президент 1 наурызда Жамбыл облысына жұмыс сапарымен шығып, Қордай ауданының жергілікті тұрғындарымен кездесуді жоспарлап отырғанын атап өтті.
“Қазақстан достық пен келісімнің аумағы болды және болады. Біздің ұран: әралуандықтағы бірлік. Мұнда тұратын барлық ұлттар, этникалық топтар біртұтас ұлт болып табылады. Шетелде бізді “қазақтар” деп біледі, өйткені біздің мемлекеттің атауында осы сөз бар”, – деді Тоқаев.
Республика басшысы елімізде тұрақты негізде тұратын барлық этностардың өз тілдерін қолдануға және өз мәдениетін дамытуға құқығы бар екенін баса атап өтті.
Жамбыл облысы Қордай ауданында жаппай тәртіпсіздік 7 ақпанда орын алды. Қазір онда жағдай тұрақты. Ішкі істер органдары мен ұлттық қауіпсіздік комитетінің қызметкерлері құқық тәртібінің сақталуын тұрақты негізде қадағалауда.
