Енді көп балалы отбасыларға арналған жәрдемақыны әр балаға 21 мың теңгеге көтерді. Бұл туралы Ақорда сайтында хабарлайды.
Мемлекет басшысының ресми сайтында айтқандай, Президент кеше қолданыстағы заңнаманы “арнайы экономикалық және индустриялық аймақтар туралы” Қазақстан Республикасының жаңадан қабылданған Заңына сәйкес келтіруге, сондай-ақ атаулы әлеуметтік көмек тағайындау тетіктерін жетілдіруге бағытталған “Қазақстан Республикасының кейбір заңнамалық актілеріне арнайы экономикалық және индустриялық аймақтар, инвестициялар тарту, экспортты дамыту және жылжыту, сондай-ақ әлеуметтік қамсыздандыру мәселелері бойынша өзгерістер мен толықтырулар енгізу туралы” Қазақстан Республикасының Заңына қол қойылғаны айтылған.
Көп балалы отбасыларға арналған әлеуметтік жәрдемақыларды арттыру мәселесін, Қазақстанның Тұңғыш президенті Нұрсұлтан Назарбаев тығыз айналысты.
Ол “Нұр Отан” партиясының он сегізінші съезінде жәрдемақы мөлшерін қайта қарап, оларды көтеруді тапсырды.
Сурет: i2.wp.com
