Бүгін біздің Республикамыздың президенті Қасым-Жомарт Тоқаев еліміздің қорғаныс ведомствосының басшысы Нұрлан Ермекбаевпен кездесті. Қорғаныс ведомствосының басшысы Президентке Қазақстанның Қарулы Күштерінің жағдайы туралы баяндады. Бұл туралы zakon.kz жаңалықтар ресурсы хабарлайды.
Кездесу басында Нұрлан Ермекбаев Қасым-Жомарт Тоқаевты еліміздің Қарулы Күштерінің жауынгерлік дайындық барысымен таныстырды, кейін Республика армиясын қалай дамыту жоспарланып отырғанын айтты.
Сондай-ақ, Қорғаныс министрі Президентке, басты мақсаты індеттің таралуын болдырмау және азаматтардың өмір қауіпсіздігін қамтамасыз ету болып табылатын Қазақстанда жүргізіліп жатқан дезинфекциялық жұмыстар туралы баяндады.
Сонымен қатар, мемлекет басшысына еліміздің Қарулы күштерін құру және дамыту тұжырымдамасын әзірлеу барысы, сондай-ақ мерзімді қызметке шақыру науқанының аяқталуы туралы ақпарат берілді.
Ермекбаевтың баяндамасын тыңдаған Тоқаев оған қазақстандық әскери дәрігерлерді, жақында
астансынада жарылыс болған Ливанға жіберу мәселесін пысықтауды тапсырды.
Президенттің айтуынша, біздің әскери дәрігерлер Бейрут портындағы жарылыс салдарынан зардап шеккендерге көмек көрсете алар еді.
Бұл жарылыс 4 тамызда болды. Алдын ала мәліметтер бойынша, оқиға салдарынан 100-ден астам адам қаза тауып, 4 мыңнан астам адам дене жарақатын алған.
Бейруттағы жарылыстан кейін Қасым-Жомарт Тоқаев Ливан президенті Мишель Аунмен телефон арқылы сөйлесті. Ливан көшбасшысы Қазақстан азаматтарының, оның ішінде сол елдегі бітімгерлердің қауіпсіздігін қамтамасыз етуге уәде берді.
Сурет: Liter.kz
