Қазақстан Республикасының Президенті Қасым-Жомарт Тоқаев мемлекеттік органдарға ақпараттық-түсіндіру жұмыстарына ерекше көңіл бөлу керектігін мәлімдеді, деп хабарлайды zakon.kz ақпарат ресурсы.
Мұндай мәлімдемені Қасым-Жомарт Тоқаев министрлер кабинеті мүшелері және мемлекеттік органдар өкілдерінің қатысуымен өткен жедел әрекет ету штабының отырысында жасады.
Мемлекет басшысы мемлекеттік органдарды халық арасында дүрбелеңнің алдын алу және әлеуметтік маңызы бар тауарларға деген дүрлігуге себеп болатын жалған мәліметтердің таралуының алдын-алу үшін ақпараттық-түсіндіру жұмыстарымен айналысуға шақырды.
Президент Тоқаевтың айтуынша, қазір елімізде барлық тұтыну өнімдері бойынша қазақстандықтардың қажеттілігін қанағаттандыру үшін жеткілікті тауарлар бар. Ол тапшылық қаупі жоқ екенін баса атап өтті.
Отырыс аясында Қасым-Жомарт Тоқаев әкімдерге әлеуметтік маңызы бар азық-түлік тауарлары мен қызметтердің бағасын ұстап тұру мәселелерін бақылауды жалғастыруды тапсырды.
Бұған дейін ауыл шаруашылығы министрлігі Қазақстанда тұрақты негізде халықтың негізгі азық-түлікпен қамтамасыз етілуіне мониторинг жүргізілетінін мәлімдеді. Бұл ретте әлеуметтік маңызы бар тауарларға бағаның негізсіз өсуін тежеу бойынша барлық шаралар қабылдануда.
Сурет: knews.kg
