Ақмола облысының Жақсы ауданында марганец кенін ашық тәсілмен өндіру жөніндегі кәсіпорынның құрылысына қатысты халықтың пікірін ескеруді ҚР Президенті Қасым-Жомарт Тоқаев тапсырды,деп “ҚазАқпарат” ХАА Ақорданың Twitter-ге сілтеме жасай отырып хабарлады.
“Жақсы ауданында марганец кенін ашық тәсілмен өндіру бойынша кәсіпорын салу жобасын жүзеге асыру мәселесі шешілуде. Тұрғындар кен орнын игеруге қатаң қарсы”, – деді Қасым-Жомарт Тоқаев. Осыған байланысты Мемлекет басшысы әкімдік пен Үкіметке шешім қабылдау кезінде халықтың пікірін ескеруді тапсырды.
