Қазақстан Республикасының Президенті Қасым-Жомарт Тоқаевтың Жарлығына қол қойылды, оған сәйкес біздің елімізде Конституция қабылданғанына 25 жыл толуына орай мерейтойлық медаль тағайындалады. Бұл туралы Ақорданың баспасөз қызметі хабарлады.
“Конституцияның үстемдігін қамтамасыз етуге, Қазақстанның конституциялық негіздерінің қалыптасуы мен дамуына, адамның және азаматтың конституциялық құқықтары мен бостандықтарын қорғауға елеулі үлес қосқан Қазақстан азаматтары мен шетел азаматтарын көтермелеу мақсатында, сондай-ақ Конституцияның 25 жылдығы құрметіне” Қазақстан Конституциясына 25 жыл “мерекелік медалі тағайындалсын”, – делінген Президент Жарлығында.
Марапаттау ережесіне сәйкес, жаңа медальмен наградтауға Парламент депутаттары, Үкімет, Конституциялық Кеңес, Жоғарғы Сот, Қазақстан министрліктері, Астана, Шымкент және Алматы әкімдері, сондай-ақ қоғамдық бірлестіктер енгізе алады.
Сурет: liter.kz
