Қазақстан Президенті әкімшілігінің Ішкі саясат бөлімінің жаңа меңгерушісі болып Ғани Нығыметов тағайындалды. Бұл туралы Ақорданың баспасөз қызметі хабарлады.
“Мемлекет басшысының Өкімімен Ғани Сақтағанұлы Нығыметов Қазақстан Республикасы Президенті Әкімшілігінің Ішкі саясат бөлімінің меңгерушісі болып тағайындалды”, – делінген хабарламада.
Нығыметов Қазақстан мен АҚШ-та білім алды. Халықаралық қатынастар, мемлекеттік басқару, іскерлік әкімшілік, бизнес және қаржы саласында білімі бар.
Өзінің еңбек қызметінде тек басшылық қызметтерді атқарды. Қазіргі уақытқа дейін соңғы жұмыс орны-Президент Әкімшілігі Ішкі саясат бөлімі меңгерушісінің орынбасары.
