Дархан Қалетаев Президент Әкімшілігі Басшысының бірінші орынбасары болып тағайындалды, деп Ақорданың баспасөз қызметі хабарлады.
Естеріңізге сала кетейік, 1 наурызда Қалетаев премьер-Министр Кеңсесінің Басшысы болды.
Дархан Қалетаев 1972 жылы Шығыс Қазақстан облысында туған. Үкімет отставкасына дейін қоғамдық даму министрі лауазымын атқарды.
Шығыс Қазақстан мемлекеттік университетін, Мемлекет басқарудың ұлттық жоғары мектебін бітірген. Еңбек жолы 1995 жылдан басталды. Президент Әкімшілігінде, Білім министрлігінде, Мәдениет, ақпарат және қоғамдық келісім министрлігінде жұмыс істеді.
2007-2008 жылдары Президент Әкімшілігі Басшысының орынбасары, 2008-2009 жылдары “Нұр Отан” партиясы төрағасының бірінші орынбасары, 2009-2016 жылдары “Самұрық – Қазына”басқарушы директоры қызметтерін атқарды. 2016 жылдың қазан айында Президент Жарлығымен Сенат депутаты болып тағайындалды, Сенатта халықаралық қатынастар, қорғаныс және қауіпсіздік комитетінің мүшесі болды.
Бұрын мемлекеттік хатшы қызметін атқарған Бақытжан Сағынтаев, Президент Әкімшілігінің Басшысы болып тағайындалды.
Оның орнына Президент Әкімшілігі Басшысының бұрынғы бірінші орынбасары Марат Тәжин келді.
Бұрын Финляндияда елші болған Мұрат Нұртілеуов Президенттің көмекшісі болды.
Әсет Исекешев Президент Әкімшілігінің Басшысы қызметінен босатылды.
Сурет: tengrinews.kz
