Қазақстан президенті Қасым-Жомарт Тоқаев «Қазақстан Республикасының кейбір заңнамалық актілеріне жер қойнауын пайдалану, газ және газбен жабдықтау мәселелері бойынша өзгерістер мен толықтырулар енгізу туралы»заңға қол қойды. Бұл туралы Ақорданың баспасөз қызметі хабарлады.
Бұл заң экономикаға шетелдік инвестицияларды тартуға және қосылған құны жоғары және мультипликативтік әсері бар мұнай-химия өндірісін ұлғайтуға бағытталған.
Мемлекеттің ішкі нарығында газды үздіксіз беру және газға тұрақты бағаларды қолдау үшін жаңа инвестициялық жобалар үшін шекті баға газ жеткізілімдерінің өзіндік құны мен «ҚазТрансГаз»АҚ әрекет ететін осы саладағы ұлттық оператордың ең төменгі рентабельділігі негізге алына отырып жасалатын болады.
Тауарлық газды отын ретінде пайдаланатын қазақстандық электр станцияларының құрылысына инвестициялар тарту үшін он жылға дейінгі кезеңге газға қолайлы баға орнату ұсынылады.
Сонымен қатар, бүгінгі таңда Қазақстанда көмірсутектер бойынша жер қойнауын пайдалану құқығына аукцион өткізу жүйесіне өзгерістер енгізілуде. Заң қабылданған сәттен бастап барлық аукциондар электрондық нысанда өтетін болады,ал жеңімпазды тану функциясы комиссияда қалады.
Сурет: zakon.kz
