Бүгін Қазақстан Республикасының Президенті Қасым-Жомарт Тоқаевтың Қазақстан Ішкі істер министрлігінің басшысы Ерлан Тұрғымбаевпен кездесуі өтті. Бұл туралы Ақорданың баспасөз қызметі хабарлады.
Кездесу барысында Тоқаев пен Тұрғымбаев Жамбыл облысы Қордай ауданында орын алған жаппай тәртіпсіздікке қатысты мәселелерді талқылады.
Сондай-ақ, ішкі істер министрі президентке Қордай ауданында тұрақтылықты орнатуға бағытталған ведомство қабылдайтын шаралар туралы баяндады.
Мемлекет басшысы өз кезегінде Ішкі істер министрлігіне осындай қақтығыстардың қайталанбауы үшін Жамбыл облысындағы жағдайды бақылауды күшейту қажет деп мәлімдеді.
Сонымен қатар, Президент Тоқаев жаппай қақтығысқа кінәлілердің барлығы, соның ішінде ойранға қатысушылар еліміздің заңнамасына сәйкес жазалануы тиіс екенін атап өтті.
Қордай ауданында адам өлімі болан жаппай тәртіпсіздіктер орын алды. Бастапқыда төбелес Масанчи елді мекенінде басталды. Оқиға салдарынан 10 адам қаза тауып, 170-тен астам адам жарақат алды.
Сурет: Akorda.kz
