Мемлекет басшысы Қасым-Жомарт Тоқаев “Қазақстан Республикасының халықаралық шарттары туралы” Қазақстан Республикасының Заңына өзгерістер мен толықтыру енгізу туралы” Заңға қол қойды, деп хабарлайды zakon.kz, Ақордаға сілтеме жасай отырып.
Заңда ратификацияланған халықаралық шарттардың Қазақстан Республикасында осындай шарттарды тікелей қолдану туралы, халықаралық шарттар мәртебесіндегі өзгерістер туралы жұртшылықты хабардар ету басымдылығы туралы нормалар енгізіледі.
Сондай-ақ, бұған дейін Қазақстанның Сыртқы істер министрі Мұхтар Тілеуберді заң халықаралық шарттарды тоқтату тәртібін реттеу бөлігіндегі олқылықты жоюды қамтамасыз ететінін түсіндірген болатын.
Заңның қабылдануы Қазақстан алдындағы міндеттемелерді орындамайтын мемлекеттермен және халықаралық ұйымдармен өзара қарым-қатынастарда Қазақстанның мүдделерін ескеруді қамтамасыз етуге мүмкіндік береді.
Бұл міндеттерді халықаралық шарттар туралы заңнамаға басқа мемлекеттер мен халықаралық ұйымдар Қазақстан алдындағы міндеттемелерін бұзған жағдайда халықаралық шарттардың орындалуын тоқтата тұру түрінде республиканың жауап шараларын қабылдау мүмкіндігін көздейтін нормаларды енгізу арқылы шешу ұсынылады.
