Еліміздің көшбасшысы Қасым-Жомарт Тоқаев келесі жылы Қазақстанда ауыл әкімдерінің алғашқы сайлауы өткізілуі мүмкін деп мәлімдеді, деп хабарлайды eadaily.com жаңалықтар ресурсы.
Мемлекет басшысы бұл мәлімдемені халыққа Жолдауында жасады.
Қасым-Жомарт Тоқаев әкімдер сайлауын өткізу мәселесін біздің республикада бірнеше жыл талқыланып келетінін, бірақ әлі ешқандай нәтиже жоқ екенін атап өтті.
«Қоғамдық пікір сауалнамалары халықтың ауыл әкімдерін сайлауға тікелей қызығушылығының артқанын көрсетті. Бұл маңызды қадамды жан-жақты қарастырып, дәйекті түрде іске асырған жөн. Біз бұл жүйенің қалай жұмыс істейтінін нақты білуіміз керек», — деді Президент.
Сонымен қатар, Тоқаев бұл мәселені кейінге қалдыруға болмайтынын атап өтті. Сондықтан, 2021 жылы жұмыс істеп жатқан ауыл әкімдерінің өкілеттік мерзімі аяқталатынын ескере отырып, ол осы сайлауды өткізу мүмкіндігін пысықтауды тапсырды.
Бұл туралы саясаттанушы Оразғали Селтеев өз ойын айтты. Ол ауыл әкімдерінің сайлауын өткізу туралы шешім дұрыс және Қазақстандағы бюрократияға қарсы революцияға бастау беруі мүмкін деп санайды.
Сондай-ақ, Тоқаевтың бұрынғы кеңесшісі Олжас Құдайбергенов те түсініктеме берді. Ол ауыл деңгейіндегі сайлаудан кейін, халық жоғары деңгейдегі басшыларды таңдай алады деген үмітін білдірді.
Сурет: eadaily.com
