Біріккен Араб Әмірліктеріне ресми сапары барысында Қасым-Жомарт Тоқаевтың БАӘ-нің жетекші мұнай компаниясы Abu Dhabi National Oil Company-дің бас директоры Сұлтан Ахмед Аль-Джабермен кездесуі өтті, деп хабарлайды Қазақстан президентінің баспасөз қызметі.
Өткен кездесу барысында мемлекет басшысы мен араб компаниясының бас директоры әлемдік мұнай және газ нарығындағы жағдай мәселелерін талқылады.
Сонымен қатар, тараптар газ бен мұнай өндірісі мен экспорты біздің республикамыздың да, БАӘ-нің де экономикасының негізін құрайтынын атап өтті.
Өз кезегінде Президент Тоқаев Қазақстанда көмірсутек шикізатын терең қайта өңдеуге ерекше назар аударатынына, сондықтан біздің еліміз мұнай-химия саласындағы жобаларды іске асыру үшін жағдай жасайтынына назар аударды.
Қасым-Жомарт Тоқаев қазір біздің мемлекетте мұнай-химия саласы нығайып келе жатқанын атап өтті. Сондықтан Қазақстан болашақта Abu Dhabi National Oil Company компаниясымен осы бағытта ынтымақтасуды жоспарлап отыр.
Abu Dhabi National Oil Company Абу-Даби ұлттық мұнай компаниясы болып табылады. Сонымен қатар, ол әлемдегі ірі мұнай және газ өндірушілерінің тізімінде төртінші орында.
Сурет: Akorda.kz
