Қазақстан Республикасының Президенті Қасым-Жомарт Тоқаев коронавирустық инфекцияның жаһандық экономикаға әсері туралы айтты, деп хабарлайды zakon.kz ақпараттық агенттігі.
«Іс жүзінде, сөз бүкіл әлемдік экономикалық жүйені қайта құру туралы болып отыр. Қазақстан бұл үлкен дағдарыстың салдарын сезінеді», — деді президент.
Қасым-Жомарт Тоқаев экономикалық катаклизмге қарамастан, еліміздің басшылығы жұмыссыздық пен әлеуметтік шиеленістің өсуіне жол бермеу үшін барлық қажетті шараларды қолданатынын мәлімдеді.
Президент Тоқаевтың айтуынша, бүгінгі таңда Қазақстанның халықаралық резервтері 90 миллиард долларды құрайды. Оның айтуынша,мұндай сома әлеуметтік міндеттемелерді орындау мен Қазақстан экономикасының тұрақтылығын сақтаудың маңызды кепілі болып табылады.
Мемлекет басшысы жұмыспен қамту және бизнес үшін барынша нәтиже бере алатын салаларға еліміздің бюджетінен қаражат бөлінетінін атап өтті
