Мемлекет басшысы елдегі коронавирустық инфекция бойынша эпидемиологиялық жағдай туралы кеңес өткізді, деп «ҚазАқпарат» ХАА Ақорданың баспасөз қызметіне сілтеме жасап хабарлайды.
Қасым-Жомарт Тоқаев өз сөзінде еліміздегі күрделі эпидемиологиялық жағдайды атап өтті. Жағдай бүкіл қоғамның алаңдаушылығын тудырады. Азаматтар атқарушы органдардың жұмысына наразы. «Қазақстан, көптеген басқа елдер сияқты, коронавирустық инфекцияның кезекті індетінен өтуде. Фактілер бұл вирустың жаңа мутацияланған штамдарынан туындағанын көрсетеді. Жағдай жалпы шаршаумен және халық тарапынан, соның ішінде бизнес тарапынан сақтықтың әлсіреуімен күрделене түседі», — деді Президент.
Мемлекет басшысы коронавируспен күрестегі жалғыз сенімді шешім-вакцинация екеніне сенімді. Бұл локдаундардан шығу стратегиясын алдын-ала ойластырған елдердің мысалымен дәлелденді. Қазір олардың экономикалары мен азаматтардың күнделікті өмірі пандемиялық күйзелісті сезінбейді. Израильде және БАӘ-де, вакцинация бойынша көшбасшы елдерде тіпті пандемияға сезімтал туризм, сауда, мейрамхана бизнесі, шағын және орта бизнес сияқты секторлардың қызметі қайта жанданды.
Бүгінгі таңда 47 мыңға жуық адам иммундау курсын аяқтады. Бірінші компонентпен 137 346 азамат егілді. Бұл жағдайдың себебі қарапайым-вакциналардың болмауы.
