Қасым-Жомарт Тоқаев Ресейде Қазақстанның жаңадан тағайындалған елшісі Ермек Көшербаевты қабылдады, деп Ақорданың баспасөз қызметі хабарлайды.
“Кездесу барысында Мемлекет басшысы Ресей Федерациясымен стратегиялық және одақтастық қарым — қатынастарды одан әрі жан-жақты дамытудың, оның ішінде интеграциялық үдерістер аясындағы маңыздылығын атап өтті”, – хабарламада делінген.
Соңында Қазақстан президенті Ермек Көшербаевқа бірқатар нақты тапсырмалар берді.
Айта кететін болсақ, Ермек Көшербаев Қазақстан Республикасының Ресей Федерациясындағы төтенше және өкілетті елшісі болып тағайындалды. Бұған дейін ол сыртқы істер министрлігінде министр орынбасары қызметін атқарды.
2019 жылдың желтоқсанында Иманғали Тасмағамбетов зейнеткерлік жасқа толуына байланысты Қазақстан Республикасының Ресей Федерациясындағы төтенше және өкілетті елшісі қызметінен босатылды.
Сурет: kapital.kz
