Қазақстан Республикасының Басшысы Қасым-Жомарт Тоқаев Каспий теңізіндегі қызметті жүзеге асыруға қатысты мәселелер бойынша заңды мақұлдады. Бұл туралы kaztag.kz жаңалықтар ресурсы хабарлайды.
Осы заңның нормалары Каспий теңізіндегі балық аулау аймағының енін 15 теңіз миліне дейін арттырады. Сонымен қатар, олар Қазақстанның балықшыларына тәуліктің кез келген уақытында ішкі және аумақтық суларға шығуға мүмкіндік береді.
Бұдан басқа, түзетулерге сәйкес теңіз ғылыми зерттеулерін жүргізу, сондай-ақ акваториядағы су биоресурстарын кәсіпшілік тәртібін айқындайтын балық аулау аймағының шектері мен “балық аулау аймағының режимі” туралы нормалар енгізіледі.
Мемлекеттік органдардың еліміздің балық аулау аймағында су биоресурстарын аулауға айрықша құқықтарының сақталуын және олардың өзара байланыс тәртібін бақылау жөніндегі құзыреттері белгіленді.
Бұл түзетулер қарама-қайшылықтар мен кемшіліктерді жою, сондай-ақ ұлттық қауіпсіздік комитеті шекара қызметінің күнделікті қызметтік-жауынгерлік жұмысын қамтамасыз ету үшін енгізіледі.
Ақпан айының басында премьер-министрдің орынбасары – Қазақстан СІМ басшысы Мұхтар Тілеуберді Парламенттің жоғарғы палатасына түзетулер енгізу барысында заң жобасындағы конвенциялық нормаларды имплементациялау негізінде аумақтық суларды 12-ден 15 теңіз миліне дейін кеңейту, балық аулау аймағы шегінде теңіз ғылыми зерттеулерін жүргізу, сондай-ақ осы акваторияда су биоресурстарын кәсіп ету тәртібін айқындайтын “балық аулау аймағы режимін” белгілеу ұсынылатынын айтты.
Каспий маңы елдеріне Қазақстан Республикасы, Ресей Федерациясы, Әзірбайжан, Иран және Түрікменстан Республикасы кіреді.
Сурет: sputnik.kz
