Қазақстан басшысы Қасым-Жомарт Тоқаев еліміздің азаматтары үшін авиабилеттерге қолжетімді баға қалыптастыру жұмысын жандандыру қажеттігін мәлімдеді. Бұл туралы Ақорданың баспасөз қызметі хабарлады.
Мұндай мәлімдемені Президент Тоқаев отандық Air Astana әуе компаниясының басшысы Питер Фостермен өткен кездесуде айтты.Кездесуде Питер Фостер Президентке Ұлттық әуетасымалдаушының дамуы туралы баяндады.
Қасым-Жомарт Тоқаевқа мемлекетіміздің аумағында жүзеге асырылып жатқан жолаушылар авиатасымалдарының санын арттыру туралы ақпарат берілді. Сонымен қатар Президентке жаңа шетелдік авиарейстердің ашылуы туралы баяндалды.
Питер Фостермен кездесу аясында Fly Arystan лоукостерін іске қосудың арқасында Қазақстан Республикасы Ішкі жолаушылар авиатасымалдарының ең жылдам дамып жатқан нарықты елдердің біріне айналғаны атап өтілді.
Кездесу соңында Қазақстан басшысы “ашық аспан” режимін одан әрі дамытудың маңыздылығына назар аударды. Сонымен қатар, ол жаңа шетелдік әуе қатынасын ашу қажеттігін мәлімдеді.
Сурет: tengrinews.kz
