Қазақстан басшысы Қасым-Жомарт Тоқаев Бүгін еліміздің бас қаласының әкімі Алтай Көлгіновпен кездесу өткізді.Кездесу барысында Нұр-Сұлтан қаласының дамуына қатысты мәселелер талқыланды. Бұл туралы Ақорданың баспасөз қызметі хабарлады.
Кездесу басында Президент Тоқаевқа Қазақстан Республикасының астанасын дамыту мәселелері жөніндегі кеңесте берген тапсырмаларының орындалуы туралы ақпарат берілді.
Сондай-ақ, Қасым-Жомарт Тоқаев тұрғын үй, оқу мекемелері, медициналық мекемелер, жеңіл атлетикалық стадион және қазақ драма театрының құрылыстарының жоспары туралы баяндады.
Мемлекет басшысы өз кезегінде аз қамтылған отбасыларға және мүмкіндігі шектеулі адамдарға әлеуметтік көмек көрсетудің маңыздылығына назар аударды.
Осыған байланысты Қазақстан Президенті қазақстандықтардың өмір сүру сапасын арттыруға бағытталған жұмысты жалғастыру қажеттігін мәлімдеді.
Кездесу соңында Қасым-Жомарт Тоқаев қала әкімдігінің қызметіне оң баға беріп, Нұр-Сұлтанды жайластыру, соның ішінде еліміздің бас қаласының инженерлік желілері мен кәріз жүйесін жаңғырту бойынша белсенді жұмыс жасауды тапсырды.
Сурет: akorda.kz
