Қасым-Жомарт Тоқаев “Рухани жаңғыру” бағдарламасына сәйкес жастар интеллектуалдық орталығы болып қайта құрылған Жамбыл атындағы Алматы жасөспірімдер кітапханасының жұмысымен танысты, деп хабарлады Ақорда.
Кітапхана “Open space”форматында жұмыс істейді. Онда интернетті пайдалану, кітаптар мен басқа да баспа басылымдарын оқу, дискілерді қарау, іс-шаралар өткізу үшін орындары бар. Орталық 1 миллион 800 мың кітабы бар Алматы кітапханалар жүйесінің құрамына кіреді.
Тоқаев жастар мен еріктілер қозғалысының өкілдеріне өзінің өмір жолы туралы әңгімеледі.
– Мен Біріккен Ұлттар Ұйымы Бас хатшысының орынбасары болып қызмет еткен кезімде еріктілер жұмысына көңіл бөлдім. Біз әр елден еріктілер форумдарын жинадық. Парламентте біз еріктілер туралы заң қабылдадық. Мемлекет осы қозғалысты қолдау мен дамыту үшін бәрін жасайды, – деді Тоқаев.
Президент жақын арада қазақстандық еріктілердің үлкен форумын өткізу жоспарланғанын хабарлады.
Сурет: Ақорда
