Алматы қаласына сапары аясында республикамыздың басшысы Қасым-Жомарт Тоқаев Алматы халықаралық әуежайын қайта құру жоспарларымен танысты. Бұл туралы Қазақстан Президентінің баспасөз қызметі хабарлайды.
Алматыдағы әуе айлағын аралау барысында мемлекет басшысы түрік холдингі бас директорының орынбасары Tav Airports Holding Серкан Каптанмен кездесті.
Кездесу барысында холдинг өкілі Тоқаевқа жыл сайын 6 миллион адамға қызмет көрсететін Алматы әуежайының жаңа терминалының құрылысы туралы ақпарат берді.
Серқан Каптанның айтуынша, жаңа терминал құрылысы 150 миллион еуроға бағаланып отыр. Жоспар бойынша жоба 2022 жылдың екінші тоқсанында аяқталады.
Қазақстан басшысы өз кезегінде Алматы әуежайын жаңарту аяқталған соң, Орталық Азиядағы ең ірі авиациялық хабқа айналатынына сенім білдірді.
Бұған дейін TAV Airports Holding түрік холдингі Алматы халықаралық әуежайының 100% акциясын 415 миллион долларға сатып алғаны хабарланған. Оңтүстік астананың әуе айлағы осы Холдингтің қоржынында 15 – ші айлақ.
Сурет: akorda.kz
