Вице-премьер Ералы Тоғжанов «Қазақстан Аселсан Инжиниринг» және «Болашақ 2019» кәсіпорындарында отандық медициналық техника мен қорғаныс құралдарының өндірісін бақылап, салынып жатқан ұлттық ғылыми онкологиялық орталықты аралап көрді.
Вице-премьердің күн тәртібіндегі бірінші пункт «Қазақстан Аселсан Инжиниринг» кәсіпорны болды, онда Мемлекет басшысының тапсырмасы бойынша отандық өкпені жасанды желдету аппараттарын шығару жолға қойылды. Осы айдың соңына дейін онда 750 аппарат жасалып, медициналық мекемелерге жеткізіледі, ал қыркүйекте ауруханалар қосымша 750 бірлік осындай қажетті аппаратураны алады.
Отандық ӨЖЖ жеткізу Қазақстанның 297 медициналық мекемесінде жүзеге асырылады. Кәсіпорын мамандары дәрігерлерге оларды қалай дұрыс пайдалану керектігін үйретеді және тағы 2,5 жыл бойы сервистік қызмет көрсетеді.
Сондай-ақ, «Қазақстан Аселсан Инжиниринг» базасында дене температурасын өлшеуге арналған тепловизорлар өндірісін орналастыру жоспарлануда.
Әрі қарай Ералы Тоғжанов медициналық бетперде дайындайтын «Болашақ 2019» кәсіпорнына барды. Кәсіпорын ұжымы айына 2 млн бетперде шығарады.
Көргендерін қорытындылай келе, вице-премьер риза болып, атқарушы билік отандық өндірушіні одан әрі де қолдайтынын атап өтті.
Инспекцияны аяқтай келе, Тоғжанов ұлттық ғылыми онкологиялық орталықтың құрылыс алаңында болып, алғашқы буыннан бастап барлық кезеңдерде онкологиялық көмек көрсетуді үйлестіруге көмектесетінін атап өтті. Оның құрылысы бойынша басқа да міндеттердің қатарында жоғары технологиялық аппаратураға қызмет көрсету үшін медициналық кадрлар мен техниктер орталығын даярлау міндеті тұр.
Сурет: inform.kz
