ҚР Премьер-министрі Асқар Мамин Жаңа жыл мерекесі қарсаңында Үкіметке және әкімдерге тапсырмалар берді, деп «ҚазАқпарат»ХАА тілшісі хабарлайды.
«Алдағы мереке күндері өңірлер әкімдіктері барлық қызметтердің кезекшілік кестесін нақты сақтауы қажет. Жылу және электрмен жабдықтауда іркілістер болмауы тиіс», — деді Асқар Мамин ҚР Үкіметі отырысында.
Оның айтуынша, қаңтарда болжам бойынша қатты аяз болады.
«Сондықтан барлық параметрлер нормаларға сәйкес болуы тиіс. Әкімдер жылыту маусымының өтуін өзі бақылап отыруы тиіс. Энергетика министрлігіне қазандық пен май құю станцияларындағы отын қорын бақылауды тапсырамын. Ішкі істер министрлігіне қызмет атқарудың күшейтілген нұсқасына көшу, азаматтардың тыныштығы мен қауіпсіздігін қамтамасыз ету», — деп атап өтті А. Мамин.
Бұдан басқа, Премьер жаңа жылдық іс-шараларды өткізу орындарына мониторинг жүргізу қажеттілігі туралы мәлімдеді.
«Сондай-ақ, өрт қауіпсіздігі мен қоғамдық тәртіп саласында мониторинг жүргізу қажет. Жалпы Роман Васильевич бақылау (Роман Скляр — ҚР Премьер-Министрінің орынбасары, прим. ред)», — деді Үкімет басшысы.
Сурет: yujanka.kz
