Қазақстан Премьер-министрі Асқар Мамин депутаттық сауалға жауап бере отырып, егер қосылған құн салығының ставкасын төмендететін болса, не болатынын түсіндірді.
«Бағаның өсуіне жол бермеу мақсатында «экономиканы тұрақтандыру жөніндегі одан арғы шаралар туралы «Қазақстан Республикасы Президентінің 2020 жылғы 16 наурыздағы № 287 Жарлығын іске асыру жөніндегі шаралар туралы» Қазақстан Республикасы Үкіметінің 2020 жылғы 27 наурыздағы № 141 Қаулысы қабылданды, оған сәйкес 2020 жылдың 1 қазанына дейін әлеуметтік маңызы бар азық — түлік тауарлары үшін ҚҚС ставкасы 8% — ға дейін төмендетілді», — деп жазды Асқар Мамин.
Премьер ҚҚС төмендетілген ставкасын қолдану дебеттік сальдоның пайда болуына алып келеді деп мәлімдеді.
«Бұдан басқа, белгілі бір тауарларға ҚҚС төмендетілген ставкасын енгізу 12% Ставка бойынша және 8% ставка бойынша салық салынатын айналымдарды бөлек есепке алуды жүргізуді талап етеді, сондай-ақ тауарды күрделі сәйкестендіруге байланысты тауарды сатуға салынатын ҚҚС ставкасын (12% немесе 8%) анықтауды қиындатады, бұл ҚҚС төлеушіде салықтық есепке алудың күрделенуіне алып келеді және салық тәуекелдерін арттырады. Аталған жағдайлар СЖТ тізбесі бойынша салық төлеушінің жалпыға бірдей белгіленген ҚҚС ставкасын 12% қолдануға құқығы жоқ», — деп түсіндірді Үкімет басшысы.
Сонымен қатар, ол ынталандырушы салықтар тек мүліктік немесе жер сияқты тікелей салықтар болуы мүмкін деп мәлімдеді.
Сурет: yandex.kz
