ҚР Премьер-министрі Асқар Мамин Қазақстанда әлеуметтік қызмет көрсету жүйесін одан әрі жаңғыртудың 2025 жылға дейінгі ұлттық іс-шаралар жоспарын қамтитынын айтты, деп “ҚазАқпарат”ХАА хабарлайды.
“2021 жылғы маусымда Үкімет Қаулысымен Қазақстанда әлеуметтік қызмет көрсету жүйесін одан әрі жаңғыртудың 2025 жылға дейінгі ұлттық іс – шаралар жоспары (бұдан әрі-ұлттық жоспардың жобасы) бекітілетін болады. Ұлттық жоспардың жобасында ментальді және мінез — құлық бұзылыстары бар балаларға арналған облыстық, өңірлік оңалту орталықтары, қалалық және аудандық ауруханалар, инклюзияны қолдау кабинеттері (Тұңғыш Президент Қорының бастамасы шеңберінде) және т.б. базасында балаларды оңалту орталықтары мен ерте араласу орталықтарын ашу көзделген”, – деп Асқар Мамин депутаттық сауалға берген жауабында жазды.
Оның айтуынша, Ұлттық Жоспар жобасы Ірі қызмет көрсету орталықтарын деинституцияландыру, әлеуметтік қызмет көрсету мен оңалтудың көпсалалы шағын үйлеріне көшу, әлеуметтік қызметкер мәртебесі мен оның біліктілігін арттыру, жан басына қаржыландыру қағидаттарын енгізу және т.б. бойынша қадамдық іс-шараларды қамтиды.
“Облыстардың, Нұр-сұлтан, Алматы және Шымкент қалаларының әкімдері тәуекел тобындағы және дамуы бұзылған балаларға кешенді көмек көрсетуді ұйымдастыру мәселелері бойынша” Қамқорлық ” өңірлік жол карталарын (бұдан әрі – жол картасы) бекітті. Кадрларды оқыту, қайта жаңарту, жаңғырту, жабдықтарды жаңарту жөніндегі шаралар қайталануын болдырмау мақсатында барлық балаларды оңалту орталықтарында қосымша жоспарлар қабылдамай, аталған Жол картасына енгізілетін болады”, — деп Үкімет басшысы атап өтті. Сонымен қатар, Білім және ғылым, денсаулық сақтау, Еңбек және халықты әлеуметтік қорғау министрліктеріне интернаттық мекемелердегі жағдайды жақсарту, жұмыс істеп тұрған балаларды оңалту орталықтарын ашық 8 заманауи орталықтың үлгісі бойынша қайта құру, жаңғырту, жабдықтарды жаңарту бойынша шаралар қабылдау тапсырылды. Бұған дейін ҚР Премьер-министрі Асқар Мамин Балалардың құқықтарын қорғау және олардың қауіпсіздігін қамтамасыз ету бойынша шаралар қабылдауға қатысты депутаттық сауалға жауап берген болатын.
