Қазақстан Үкіметінде өткен отырыста Қазақстан мен Еуропалық Одақтың инвестициялық ынтымақтастығына байланысты мәселелер талқыланды. Бұл туралы ҚР премьер-министрінің баспасөз қызметі хабарлады.
Қазақстандық премьер-министр Асқар Маминнің төрағалығымен өткен отырысқа Еуроодаққа қатысушы елдердің дипломатиялық миссияларының басшылары қатысты.
Кездесуге қатысушылар алдында сөз сөйлеген Қазақстандық министрлер кабинетінің басшысы, еліміздің басшылығы Еуропалық Одақ елдерімен өзара қатынасты дамытуға қатысты мәселелерге ерекше мән беретінін атап өтті.
Қазақстан мен Еуроодақ ынтымақтастығы туралы айта келе, Мамин Одақ осы жылдың алты айында Қазақстан экономикасына 5,4 миллиард доллардан астам қаржы бағыттаған республикамыздың негізгі инвесторларының бірі болып табылатынын атап өтті.
Өз кезегінде Еуроодақ елдерінің дипломаттары Асқар Маминге Еуропалық одақтың жаңа аймақтық жобаларын ұсынды. Бұл “Орталық Азиядағы инвестициялық қызметтің компоненттері”, “Орталық Азиядағы халықаралық саудаға жәрдемдесу” және “Заң Үстемдігі мәселелері жөніндегі ЕО-ОА бағдарламасы”.
Сонымен қатар, отырыс шеңберінде қатысушылар Қазақстандағы еуропалық компаниялардың жұмысына қатысты мәселелерге назар аударды, сондай-ақ тендерлерге қатысу мүмкіндіктері мен жергілікті қамту нормалары қаралды.
Сурет: Prime minister.kz
