Қазақстан үкіметінің басшысы Асқар Мамин Батыс Қазақстан облысына жұмыс сапарымен келді. Бұл туралы ҚР премьер-министрінің баспасөз қызметі хабарлады.
Асқар Мамин жұмыс сапары аясында ҚР Тұңғыш Президенті Нұрсұлтан Назарбаевтың бастамасымен жүзеге асырылып жатқан «Нұрлы жер», «Нұрлы жол» және ИИДМБ-ның жүзеге асырылу барысымен танысты. Сондай-ақ, премьер-министр мемлекет басшысы Қасым-Жомарт Тоқаевтың облыстық экономиканы дамыту жөніндегі тапсырмаларының орындалу барысы туралы хабардар етілді.
Сонымен қатар, премьер-министр Қарашығанақ және Чинарев мұнай-газ конденсатты кен орындарына барды. Онда оған «Қарашығанақ Петролиум Оперейтинг Б. В.» және «Жайықмұнай» ЖШС кәсіпорындарының қызметі туралы хабарлады.
Орал қаласының орталығында Үкімет басшысы азық-түлік, жиһаз, құрылыс және өңдеу өнеркәсібі кәсіпорындарында болды.
Сонымен қатар, өзінің жұмыс сапарында Мамин «Нұрлы жер» мемлекеттік бағдарламасы аясында салынып жатқан Оралдағы «Ақжайық» жаңа шағын ауданы мен 9 қабатты тұрғын үй құрылысының барысымен танысты.
Сурет: Prime minister.kz
