Қазақстан Үкімет басшысы Асқар Маминнің басшылығымен Қазақстан Республикасы Президенті жанындағы экономикалық өсімді қалпына келтіру жөніндегі мемлекеттік комиссияның бірінші отырысы өтті. Бұл туралы премьер-Министрдің баспасөз қызметінен хабарлады.
Экономикалық даму жөніндегі келесі шаралар туралы Ұлттық экономика министрлігінің басшысы Руслан Дәленов, Ұлттық банк басшысы Ерболат Досаев, «Самұрық-Қазына «ҰӘҚ» АҚ басқарма басшысы Ахметжан Есімов және басқалар, сондай-ақ өңірлер мен салалық қауымдастықтардың өкілдері баяндама жасады.
Отырыс барысында Мамин мемлекеттік комиссияның негізгі міндеті еліміздің дамуы бойынша стратегиялық жоспар жобасын құру болып табылатындығын айтты. Бұл Жоспарды Мемлекет басшысының қарауына үстіміздегі жылдың 1 тамызына дейін енгізбек.
Құжат сыртқы экономикалық конъюнктурадағы өзгерістерді ескере отырып, экономикадағы институционалдық және құрылымдық реформаларды жүзеге асырудың мүлдем жаңа тәсілдерін қоса алғанда, Қазақстанның орта мерзімді перспективаға арналған жаңа экономикалық бағытының бағыттарын көрсететін болады.
«Стратегиялық жоспар жаңа экономикалық шындыққа жауап болады. Бізге елдің бәсекелестік артықшылықтарын барынша пайдалана отырып, Қазақстан Республикасы экономикасының жаңа құрылымын қалыптастыру бойынша шаралар әзірлеп, қабылдау қажет», — деп түсіндірді премьер.
Сурет: twitter.com
