Польшадағы Қазақстан елшілігі Люблин воеводствосының кітапханасымен бірге қазақстандық Ұлы ойшылдарға арналған ірі көрме ұйымдастырды.
Қазақстан елшілігінде көрме еліміздің Тұңғыш Президенті Нұрсұлтан Назарбаевтың бастамасымен “Рухани жаңғыру” мемлекеттік бағдарламасы аясында өткізілгендігін хабарлады.
Көрмеге Қазақстан философтары мен жазушыларының атақты жұмыстары, ұлттық киімдер мен әшекейлер, сондай-ақ музыкалық аспаптар қойылды.
Польшадағы Қазақстан елшілігінің кеңесшісі Данияр Сейдалиев көрменің басты мақсаты – Польша жұртшылығына еліміздің тарихи, мәдени, сондай-ақ рухани мұрасын көрсету екенін айтты.
“Ұлы Дала тарихын бүгінгі көрме арқылы насихаттау Елбасының “Ұлы даланың жеті қыры” атты мақаласында ұсынылған бастамаларға үйлеседі. Іс-шара Польша жұртшылығын Елбасының қыркүйек айындағы Қазақстан халқына Жолдауында айтылған еліміздің алдағы саяси және әлеуметтік-экономикалық даму басымдықтарымен таныстыруға мүмкіндік берді”, – деді Данияр Сейдалиев.
Сурет: 24.kz
