Құқық қорғау органының қызметкерлері Батыс Қазақстан облысының Теректі ауданында астыртын зертхана анықтап, одан синтетикалық есірткінің ірі партиясын тәркіледі, деп хабарлайды informburo.kz ақпарат ресурсы.
Қазақстан Республикасы Ішкі істер министрлігінің ақпараты бойынша, есірткі зертханасында ұйымдастырылған өндіріс тыйым салынған заттарды дайындаудың өнеркәсіптік ауқымына есептелген.
Ішкі істер органдарының қызметкерлері арнайы операция кезінде 11,4 килограмм мефедрон мен 8,1 килограмм пировалирон тапты. ІІМ айтқандай, бұл біздің республикамызда тәркіленген синтетикалық есірткінің ірі партиясы.
Полиция қызметкерлері зертханадан ұнтақ тәріздес заттар, қоспалар, химиялық заттардың концентраттарын, сондай-ақ химиялық реагенттері бар канистрлар, қорғаныс костюмдері және респираторлар тапты.
Арнайы операция нәтижесінде ұсталған тұлғалар тыйым салынған заттарды өндіруге бірнеше талпыныстан кейін, осы жылдың маусым айының соңында іске қосылғанын мойындады.
Оларға қатысты «Есірткі заттарды өткізу мақсатында заңсыз дайындау, иемденіп алу, сақтау, тасымалдау немесе адамдар тобы арқылы алдын ала сөз байласып өткізу» 297-бабының 3-бөлігі бойынша қылмыстық іс қозғалды.
Біздің заңнамаға сәйкес, мұндай әрекеттер үшін ұсталғандар 10 жылдан 15 жылға дейін түрмеге қамау түріндегі жазаға тартылады.
Ішкі істер министрлігінде қазір сотқа дейінгі тергеудің барлық қажетті рәсімдері жүргізіліп жатқанын айтты.
