Алматыда митинг кезінде құқық қорғау органы қызметеерінің фуражкасын қағып түсірген белсенді Әсия Төлесоваға қатысты қылмыстық іс бойынша сот талқылауы жалғасуда, деп хабарлайды “ҚазТАГ” ақпараттық ресурсы.
Іс материалдарына сәйкес, оған қатысты билік өкілін қорлап, зорлық-зомбылық жасады деген күдік туды.
Сот отырысы барысында прокурор соттан белсендіні кінәлі деп тануды және оған қауіпсіздігі барынша төмен мекемеде бір жыл мерзімге бас бостандығынан айыру түріндегі жаза беруді сұрады. Сондай-ақ, ол Әсия Төлесовадан жәбірленуші қорына 15 айлық есептік көрсеткішті өндіріп алуды ұсынды.
Қадағалау органының қызметкерінің пікірінше, белсендінің әрекеті қоғамға қауіпті, өйткені басқару тәртібіне қарсы қылмыс болып табылады.
Әсия Төлесова 6 маусымда Алматыда өткен митингіден кейін ұсталды.Ол митингте тәртіп сақшысының қақпағын қағып түсірді.
Ұсталғаннан кейін белсендіге екі қылмыстық бап бойынша, атап айтқанда 378 (Билік өкілін қорлау) және 380 (Билік өкіліне қатысты зорлық-зомбылық қолдану) айып тағылды. Сот талқылауы жалғасуда.
Сурет: theopenasia.net
