Полиция қызметкерлері әлеуметтік желілерге атыс қаруларымен түскен бейнеролик жіберген Қазақстан астанасының тұрғынын ұстады, деп хабарлайды елордалық полиция ведомствосының баспасөз қызметі.
Нұр-Сұлтан полиция департаментінің ақпаратына сәйкес, жігіт атыс қаруының бірнеше түрін көрсеткен бейнеролик 14 қарашада әлеуметтік желілерде пайда болып, кең талқылауға алынды.
“Полицейлер тез әрекет етіп, бейнені зерттеп, қажетті шаралар қабылдады. Жедел-іздестіру шаралары барысында бұрын сотталған 24 жасар жергілікті тұрғын ұсталды”,-деп хабарлады ведомстводан.
Ұсталған азамат бейнеролик бірнеше ай бұрын түсірілгенін айтты. Бүгінгі таңда ол уақытша ұстау изоляторында қамауда. Нұр-Сұлтан тұрғынына қатысты сотқа дейінгі тергеу жүргізілуде.
